Ухта

Кар йылысь

Ӧтувъя юӧр

Административнӧй шӧрин: Ухта кар

Площадь: 10 300 кв.км

Олӧ 113 703 морт

Медшӧр отрасльяс: машина вӧчӧм, мусир перйӧм, мусир переработайтӧм

Муниципальнӧй районлӧн официальнӧй сайт

Нималанторъяс

Ухта – мусирлӧн чужанін. Буретш тані восьтісны медводдза мусир перъян скважина. Перйӧмторйӧн медводз вӧдитчисны бурдӧдчӧм могысь. Уква ю вылын перйӧм мусирсӧ нуисны Москваӧ 1597 воын. Колӧ волыны Биару перйысьяслӧн набережнӧй вылӧ, медым аддзыны войвыв тематикаа аслыспӧлӧс скульптураяс. Рытъяснас Ухта весьтын ӧзйӧ сӧвет кадся арт-объект – пролетариатлӧн вождь Ленинлӧн юр. Выльмӧдӧм-дзоньталӧм бӧрын сійӧ лоис карлӧн нималанторйӧн.

Сыктывкарсянь Ухтаӧ ветлӧны поездъяс, самолётъяс да автобусъяс.

Кар кытшын эм карстӧвӧй ландшафт – Парась тыяс. Тані 20 унджык ты, налӧн джудждаыс вермас лоны 30 метраӧдз. Тані сідзжӧ эмӧсь экоордым, качайяс, лабичьяс да пуысь скульптураяс, эм и Парасьлӧн скульптура, кодлысь нимсӧ сетӧма тыясыслы.

Кар дорын эм сьӧдъюса каньон. Тайӧ джуджыд кыртаяс, карстӧвӧй пещераяс, палеонтология аддзӧмторъяс да войвывса сьӧлӧм вӧрзьӧдан вӧр-ва, кӧні позьӧ вӧчны мича снимокъяс.