Сыктыв район
Сыктыв район меститчӧ Архангельск обласьткӧд, Коми Республикаса Сыктывдін, Койгорт, Луздор районъяскӧд орччӧн.
Район йылысь
Ӧтувъя юӧр
Административнӧй шӧрин: Визин сикт
Площадь: 6070,75 кв.м
Олӧ 12 407 морт
Медшӧр отрасльяс: вӧр лэдзӧм
Муниципальнӧй районлӧн официальнӧй сайт
Нималанторъяс
Сыктыв район (юрсиктыс – Визин сикт) нималӧ аслас музейӧн, а сідзжӧ «Гажа валяй» тӧвся гажӧн.
Районыс нималӧ серлӧдлӧмӧн сыктывса кысьӧмӧн да “прутӧн”– аслыспӧлӧс кыанногӧн. Та серти сыктывса чӧрӧссӧ мукӧдкӧд он сорав.
Визинын эм эновтӧм хаскияслы приют. Приют кутысь дась висьтавны туристъяслы тайӧ понъяслӧн этш-сям йылысь.
Кебра сикт – медводдза коми кывбуралысь, лингвист да тӧдӧмлунъяс сетысь Иван Куратовлӧн чужанін. Коми литературалы подув пуктысьлӧн сьӧкыд олӧм йылысь висьталасны поэтлӧн керка-музейын, кӧні быд во сора тӧлысьын нуӧдӧны “Менам муза” литературалы сиӧм гаж.
А нӧшта Кебраӧ колӧ ветлыны шемӧсмӧдана мича местаяс вӧсна.
Сиктыс артмӧ мылькъяс пӧвстын сулалысь 26 грездысь, кӧні визувтӧ Буб ю. Районын Ичӧт да Ыджыд Визин юяссӧ радейтӧны чери кыйысьяс да турист-байдарочникъяс, а Щугрӧм да Визиндор посёлокъяс нималӧны асланыс ельдӧга местаясӧн.