Сыктывдін район
Коми Республикалӧн шӧр районъяс пиысь ӧти.
Район йылысь
Ӧтувъя юӧр
Административнӧй шӧрин: Выльгорт сикт
"Площадь: 7473,90 кв.м
Олӧ 24 468 морт"
Медшӧр отрасль: вӧр
Муниципальнӧй районлӧн официальнӧй сайт
Нималанторъяс
Сыктывдін район куимладорсянь «шымыртӧ» Комилысь юркар – Сыктывкар.
Муниципалитетын сӧвмӧ форель рӧдмӧдан некымын овмӧс, татчӧс Зеленеч сиктын эм «Зеленецкие альпы» лыжиӧн ислалан курорт.
Эжва юлӧн веськыд берег пӧлӧн Човъю да Эньты костын эм «Белоборскӧй» заказник. Тшак вотан кадӧ тані быдмӧ еджыд гоб, гоб, масленик, лисички, виж гоб.
Финн-угор этнопарк
Сыктывдін районын медся ёна нималанторйыс – важся Ыб сиктын Финн-угор этнокультурнӧй парк. Паркын оз сӧмын видзны да чукӧртны финн-угор культура традицияяссӧ, но сійӧ уджалӧ кыдзи и туроператор, коді тӧдмӧдӧ Россияса да суйӧрсайса гӧсьтъяссӧ Коми Республикаӧн.
Сиктас – православнӧй паломничество местаын – дас вежа ӧшмӧс да Рытыв-Войвылын «Белый свет» сись вӧчан дзик ӧти мастерскӧй, кӧні туристъяс вермасны асьныс вӧчны сисьяс да кывзыны важся ремеслӧ йылысь висьтъяс.
Сыктывкарӧ мунігмоз позьӧ пыравны «Лозымская пуща» экопаркӧ. Сэні позьӧ аддзысьлыны кӧръяскӧд да пыравны изьваса кӧр видзысьяслӧн чумӧ.