Луздор район
Луздор районыс Коми Республикалӧн лунвылын. Сійӧ меститчӧ Сыктыв да Койгорт районъяскӧд, Архангельск да Киров обласьтъяскӧд орччӧн.
Район йылысь
Ӧтувъя юӧр
Административнӧй шӧрин: Абъячой сикт
Площадь: 13168,48 кв.м
Олӧ 16 916 морт
Медшӧр отрасльяс: видз-му овмӧс, вӧр промышленносьт
Муниципальнӧй районлӧн официальнӧй сайт
Нималанторъяс
Комиын лунвылыс – Луздор, а медся лунвыв сиктӧн лыддьысьӧ Прокопьевка. Татчӧ быть колӧ волыны Рӧштво дырйи: ӧд буретш Прокопьевкаын видзӧны важся Рӧштводырся ворсӧмъяс, кор нывъяс да зонъяс корсисны аслыныс пӧв, гашкӧ, олӧмбыд кежлӧ.
Луздорса Сернӧс сиктын Чипсанӧн ворсысь аньяслӧн ансамбль важысянь гажӧдӧ йӧзсӧ. Гумйысь вӧчӧм кык ствола флейта нимӧдіс сернӧсса аньясӧс: налысь традициясӧ пыртӧма Коми Республикаса абу материальнӧй озырлунлӧн реестрӧ.
Туристъяслы сьӧлӧм вылас воас Тарачовын этнопарк, сылӧн «Пӧль-пӧчлӧн ордым» туйыс. Тані найӧ пырӧдчасны лунвыв комияслӧн культураӧ.
Луздорлӧн юрсикт – Абъячой сикт – нималӧ дӧра кыӧмӧн, сюмӧдысь вӧчасьӧмӧн да бӧръя кадӧ – кубӧвӧй набойкаӧн. Ставсӧ тайӧс позьӧ аддзыны Серпасасян да кипомысь мичаторъяс вӧчан шӧринын.
Регионлӧн юркарӧдз да луздорса сиктъясӧдз позьӧ воӧдчыны автобусӧн, кыдзи Луздоркӧд орчча Койгорт районӧдз.