Печӧра
Россияса Коми Республикаын республика тӧдчанлуна кар, «Печора» муниципальнӧй районлӧн да «Печора» кар овмӧдчӧминса муниципальнӧй юкӧнлӧн административнӧй шӧрин, «энергетическӧй юркар» да Коми Республикаын олысьяслӧн лыд серти нёльӧд кар, меститчӧ республикалӧн асыв-войвылын, Сыктывкарсянь 588 км асыв-войвывлань, Печора юлӧн веськыд берегын, кӧні сійӧ вомӧнассьӧ Войвывса кӧрт туйкӧд.
Кар йылысь
Ӧтувъя юӧр
Административнӧй шӧрин: Печора кар
Площадь: 28922,82 кв.км
Олӧ 48 863 морт
Медшӧр отрасльяс: стрӧитчан материалъяс вӧчӧм, кокни промышленносьт, сёян-юан вӧчӧм, пу обработайтӧм
Муниципальнӧй районлӧн официальнӧй сайт
Нималанторъяс
Печора – ю транспортын уджалысьяслӧн кар. Кар нимыс артмис ю нимсянь. Кӧні ю – сэні и чери, кӧні чери – сэні и черинянь, а кӧні черинянь – сэні и «Черинянь гаж» фестиваль, кӧні районса кӧзяйкаяс петкӧдлӧны, кыдзи найӧ кужӧны пусьыны-пӧжасьны пӧчьяслӧн велӧдӧм серти.
Карыс лыддьыссьӧ регионлӧн энергетическӧй юркарӧн, ӧд тані сулалӧ Печораса ГРЭС. Печораса история да ас му туялан музей озыр вӧр-ва, история да ас му туялан коллекцияӧн.
Печораын эм гижысь Горькийлы сизим метра джуджда памятник. Сійӧ сулалӧ татшӧм жӧ нима кинотеатрлы воча. А кинотеатрсӧ кыпӧдӧма сталинскӧй ампир ног.
Карыс нималӧ Печора ю пӧлӧн набережнӧйӧн, кысянь тыдалӧ Саблинскӧй хребет. Печорасянь позьӧ воӧдчыны «Югыд ва» национальнӧй паркӧ.
Ю дорын сулалӧ полярнӧй туялысь Русановлы памятник. Сійӧ лоӧ карлӧн символӧн. Юрсиктсянь неылын сулалӧ Аранеч – медся важ грездъясысь ӧти. Водзсӧ тані олісны староверъяс. Тасянь позьӧ нимкодясьны Урал гӧраясӧн.
Районлӧн нӧшта ӧти туробъектӧн лоӧ «Бызӧвӧй» этнокультурнӧй парк. Сійӧ меститчӧ важъя мортлӧн палеолитическӧй сувтланінсянь неылын. Сідзжӧ Бызӧвӧй грездын быд во лӧддза-номъя тӧлысьӧ нуӧдӧны «Черинянь гаж» сёян-юанлы сиӧм фестиваль.