Кöрткерöс район
Районын 53 сикт-грезд, кӧні олӧ 19 сюрс сайӧ морт – комияс, рочьяс, украинечьяс, белорусъяс, немечьяс, тотара.
Район йылысь
Ӧтувъя юӧр
Административнӧй шӧрин: Кӧрткерӧс сикт
Площадь: 19748,35 кв.км
Олӧ 17 963 морт
Медшӧр отрасльяс: вӧр, видз-му овмӧс
Муниципальнӧй районлӧн официальнӧй сайт
Нималанторъяс
Кӧрткерӧс район – «Кӧрт айка» фестивальлӧн чужанін. Нимсӧ сылы сетісны мифология герой серти, коді вӧлі дорччысьӧн да тунӧн, Комиын дорччан уджлы подув пуктысьӧн. Кӧрткерӧсын эм «языческӧй роща». Тані пыр пемыдкодь, оз кывны лэбачьяс, а пуясыс аслыспӧлӧса куснясьӧмась, быттьӧ мырсиг-пессигмоз, сідзи, быттьӧ найӧ тышкасисны тӧдтӧм вынъяскӧд.
Шойнаты сиктын Эжва ю дорын аддзӧма ыргӧн кытш, кытчӧ серпасалӧма 9 вӧрпаӧс – важъя коми вӧралан календар.
Юрсиктсянь 15 километр ылнаын Адзорӧм сиктын – Светлана Туровалӧн кысян мастерскӧй, кӧні тіянӧс юктӧдасны тшайӧн да отсаласны бӧрйыны мича кыӧмтор.
Нёбдін сиктын тіянӧс корасны тӧвся Опонасей ярманга вылӧ да висьталасны республикалысь кып гижысь, коми национальнӧй театрлы подув пуктысь Виктор Савин йылысь.