Койгорт район
Койгорт район меститчӧ Коми Республикалӧн рытыв-лунвылын, Сыктыв ю йылын.
Район йылысь
Ӧтувъя юӧр
Административнӧй шӧрин: Койгорт сикт
Площадь: 10415,66 кв.м
Олӧ 7210 морт
Медшӧр отрасльяс: вӧр пилитан промышленносьт да видз-му овмӧс
Нималанторъяс
Койгорт районын медтӧдчана нималантор – Кажымса ва видзанін. Позьӧ дыр ланьтӧмӧн видзӧдны ва усьӧм бӧрся.
Тайӧ мортӧн вӧчӧм ва видзаніныслӧн аслас история. Сійӧс лӧсьӧдӧма матӧ куим нэм сайын Кажымса чугун кисьтан завод бердын. Туристъяс волӧны видзӧдлыны татчӧс ыджыд важ домна пачлысь колясъяссӧ. Мукӧдлаын гижӧны, мый кажымса завод кутысь, прӧмышленник Дмитрий Бенардаки, лоис Гогольлӧн «Мертвые души» мӧд юкӧнса Константин Костанжоглолӧн прототипӧн. Гижысь сійӧс петкӧдліс «зэв бур помещикӧн», выль ногӧн уджалысь роч предпринимательӧн.
Ӧніӧдз на сулалӧны заводлӧн административнӧй корпус да кирпичысь важся Вежа Димитрей нима вичко. Найӧс кыпӧдӧма сёр роч классицизм стильын.
Ва видзанінын олӧны-рӧдмӧны сир, ёкыш, кельчи, йӧрш, налим, катан ар да мык, паныдасьлӧны и ком да кебӧс, а сідзжӧ сын, гурина да налим. XXІ нэмын быдтылісны форель.
2021 вося ӧшым тӧлысьын Луздор да Койгорт районъясын воссис нӧшта ӧти нималантор – «Койгортса» национальнӧй парк, кӧні шыльквидзӧны важся вӧръяс, быдмӧны-олӧны Гӧрд небӧгӧ пыртӧм быдмӧгъяс да пемӧсъяс.