Инта
Карсӧ артмӧдӧма 1942 воын, 1954 воӧ лоис карӧн. Сійӧ меститчӧ Россия Федерацияын Коми Республикалӧн асыв-войвылын да лоӧ «Инта» кар кытшлӧн шӧринӧн. Тані олӧ 33 861 морт. Матігӧгӧрса сикт-грездъяскӧд артмӧдӧ муниципальнӧй юкӧн – «Инта» кар кытш, кӧні олӧ 36 436 морт.
Кар йылысь
Ӧтувъя юӧр
Административнӧй шӧрин: Инта кар
Площадь: 30 100 кв.км
Олӧ 26 779 морт
Муниципальнӧй районлӧн официальнӧй сайт
Нималанторъяс
Инта кар пыр мунӧ «Югыд ва» национальнӧй парклань, Приполярнӧй Ураллань да сылӧн кык медджуджыд гӧралань – Народаизлань да Уралса «царица» Манарагалань туй. Тайӧ ветлысь-мунысьяслӧн да туристъяслӧн радейтана инъяс.
Ненеч кывсянь «Инта» кыв вуджӧдсьӧ кыдзи «уна ваа ин».
Интаын медтӧдчана нималантор – ва сетан башня, кӧні ӧні меститчӧ политическӧй репрессияяслы сиӧм музей.
54 метра джуджда важ замок кодь готическӧй башня уджаліс 1954 восянь. Сійӧс кыпӧдісны Инталагын пукалысьяс, уджъясӧн юрнуӧдіс енбиа серпасасьысь да архитектор Артур Тамвелиус. Башня дзебӧ уна гусятор, на пиысь ӧти – лагерын пукалысь стрӧительясӧн кольӧм шыӧдчӧм. Сійӧс дзеблӧмаӧсь шпиль улӧ. Шыӧдчӧмсӧ лыддисны неважӧн на.
Интаӧдз регионса юркарсянь позьӧ воӧдчыны кӧрт туй кузя да самолётӧн.